Зеленский БҰҰ Қауіпсіздік кеңесінің отырысында сөз сөйлеп, ұйымды Украинаның энергетикалық инфрақұрылымына жасалған зымырандық соққыларды айыптауға және Ресейді вето құқығынан айыруға шақырды.
«Террористік мемлекеттің өкілі сізге енді не айта алады? Бейбіт халық зымырандарынан зардап шекпейді ме? Бәрі анық. Барлығы өте айқын. Адамзат пен өмірді қорғауға нақты қадамдар жасауға шақырамын! Қауіпсіздік кеңесі БҰҰ Жарғысының 7-тарауына сәйкес лаңкестік мемлекеттің әрекетіне нақты баға беруі керек», - деп қосты Зеленский.
Ол Украина серіктестерін Ресейдің әрекетін айыптауға, украиналық «бейбітшілік формуласын» қолдауға, Киевті заманауи және тиімді әуе қорғаныс жүйелерімен қамтамасыз етуге шақырды.
«Украина он тармақтан тұратын бейбітшілік жоспарын ұсынса, Ресей Федерациясы зымыранмен жауап береді», - деп келтіреді БҰҰ-дағы ЕО делегациясының баспасөз қызметі Зеленскийдің сөзін.
Зеленский сондай-ақ БҰҰ сарапшыларын Украинаның маңызды инфрақұрылымдық нысандарына олардың жағдайын бағалау үшін баруға шақырды.