Министрлер кабинеті 2021 жылға арналған мемлекеттік бюджет жобасын мақұлдады. Тиісті шешім 14 қыркүйекте өткен үкімет отырысында қабылданды.
«Бүгін үкімет 2021 жылға арналған Мемлекеттік бюджет жобасын Жоғарғы Радаға ұсынады. Еліміздің басты қаржылық құжатының жобасы теңгерімді және қазіргі заманның нақты сын-қатерлеріне сай келеді. Негізгі бағыт: азаматтар мен бизнесті қолдау, аймақтарды дамытуға жаңа серпін беру, инфрақұрылымды жаңартуды жалғастыру. Бюджет жобасында әлеуметтік құрамдас бөлігі де, даму шығындары да ұлғайтылған. Үкімет парламентпен сындарлы ынтымақтастыққа және бұл құжаттың жедел қабылдануына үміт артып отыр», - деді Премьер-министр Денис Шмихал.
Қаржы министрі Сергей Марченконың айтуынша, 2021 жылға арналған бюджет жобасы шынайы және теңгерімді, ол ағымдағы жылдың шілде айында үкімет қабылдаған макроэкономикалық болжамға негізделген.
«Негізі, бұл экономиканы дамыту және коронавирустық пандемия әсерінен кейін экономиканы «қайта бастау» жағдайында біздің азаматтар мен бизнесті қолдау мүмкіндіктерінің бюджеті», - деп түсіндірді Марченко.