Еуропалық хабар тарату одағы мен BBC халықаралық Eurovision 2023 ән байқауы Украинаның орнына Ұлыбританияда өтетінін растады. Ұйымға Украина қатысады.
BBC Eurovision 2023 ән байқауын ұйымдастырушының жауапкершілігін өз мойнына алады. Осы аптада британдық қалалар арасында Eurovision ән байқауын өткізу құқығына үміткерлер байқауы басталады.
Украина «Үлкен бестікпен» ((жарысқа ең көп қаржылық үлес қосқан елдер: Франция, Германия, Италия, Испания және Ұлыбритания) бірге автоматты түрде Гран-финалға шығады), делінген хабарламада.
2023 жылғы «Евровидение» ән байқауы үшін байқаудың ерекше жағдайларын көрсететін логотип жасалатыны белгілі.
Бұған дейін жарияланған EBU баспасөз хабарламасында бұл шешім Украинада жарыс өткізу мүмкіндігін зерттегеннен кейін қабылданғаны және өкінішке орай, қауіпсіздік мақсатында мүмкін емес деген қорытындыға келгені жарияланды.
Осы талқылаулардың нәтижесінде EBU 2022 жылғы екінші орын алған BBC-ді 67-ші Eurovision ән байқауын өткізуге шақырды.