Американдық NASA ғарыш агенттігі SpaceX-пен бірге ертең, 24 қарашада Double Asteroid Redirection Test (DART) ғарыш кемесі бар Falcon 9 зымыранын ғарышқа шығарады.
DART - астероидты орбитасын өзгерту үшін соғуға арналған ғарыш кемесі.
Бұл миссияның мақсаты - динозаврлардың жолын қайталамас үшін, ықтимал қауіпті астероидтардың Жерге соғылуын болдырмайтын планеталық қорғаныс жүйесін тексеру.
Бұл адамзаттың Күн жүйесінің «гравитациялық биіне» әсер етудің алғашқы әрекеті болмақ. Ол Армагеддонға әкелуі мүмкін астероидты Жерден бұру үшін не қажет екендігі туралы алғашқы нақты деректерді беруі керек.
Мақсат - астероид Диморфос. Оның диаметрі шамамен 160 метрді құрайды. Ол Жерге қауіп төндірмейді, бірақ сынау үшін тамаша үміткер, өйткені оны жердегі телескоптардан бақылау ыңғайлы.
NASA ғарыш кемесі 24 қарашада Калифорниядағы Ванденберг ғарыш күштерінің базасынан ұшырылады. Егер бәрі жоспарға сай болса, ол келесі жылдың қыркүйек айының соңында Жерден 11 миллион шақырымдай қашықтықта астероидпен соқтығысады.
Миссияның мақсаты астероидты жою емес, оның орбитасын өзгерту. Ғалымдар аспан денесінің қозғалысын осылайша түзетуге болатынын білгісі келеді.
Миссияның құны 350 миллион долларды құрайды.
