Жұма күні Ұлыбритания үкіметі өзінің реттеуші органынан AstraZeneca-ның COVID-19-ға қарсы вакцинасын бағалауды сұрады.
Бұл туралы Reuters хабарлайды.
AstraZeneca және Оксфорд университеті әзірлеген вакцинаның 100 миллион дозасын берген Ұлыбритания үкіметі Рождество мерекесіне дейін вакцинаны қолдануды жоспарлап отырғаны атап өтілді.
«Біз реттеуші органнан Oxford/AstraZeneca вакцинасын бағалауды, деректерді талдауды және оның қатаң қауіпсіздік стандарттарына сәйкестігін анықтауды ресми түрде сұрадық. Бұл хат вакцинаны барынша жылдам қолдану жолындағы маңызды қадам», - деді Ұлыбританияның денсаулық сақтау министрі Мэтт Хэнкок.
Сондай-ақ, COVID-19-ға қарсы вакциналарды әзірлеу бойынша жаһандық жарыста AstraZeneca кандидаты оның бағасы төмен және қалыпты салқын температурада тасымалдау мүмкіндігіне байланысты көптеген дамушы елдер үшін ең үлкен үміттердің бірі болып саналады.
