Үкімет Украина Президентінің тапсырмасы бойынша «Украинаның Ұлттық инвестициялық қоры» мемлекеттік кәсіпорнын құрып, оның жарғысын бекітті. Тиісті шешім министрлер кабинетінің отырысында қабылданды.
Ұлттық инвестициялық қор қызметінің мақсаты – ауқымды инвестициялық және әлеуметтік маңызы бар жобаларды жүзеге асыру, халықаралық экономикалық ынтымақтастықты дамыту, Украинаның бәсекеге қабілеттілігін арттыру үшін қолайлы жағдай жасау.
Бекітілген Жарғыға сәйкес кәсіпорын қызметінің мәні:
— инвестициялық жобаларды іске асыру үшін қаржы ресурстарын тарту және шоғырландыру;
— басым инвестициялық жобаларды қаржыландыру және іске асыру;
— инвестиция тарту;
— инвестициялық және басқа жобаларды дайындау;
— заңға сәйкес мүліктік объектілерді басқару;
— инвестициялық қорларды құру, инвестициялық қорларға қатысу;
— бірлескен іс-шараларға қатысу;
— әлеуметтік маңызы бар жобаларға қатысу.
