Ресей президенті Владимир Путин таңертең ресейліктерге арнаған үндеуінде ел азаматтарының жартылай жұмылдырылғанын мәлімдеді.
Оның айтуынша, әскери қызметке тек запастағы және бірінші кезекте Ресей Федерациясының қарулы күштері қатарында қызмет еткен, белгілі бір әскери есеп мамандықтары мен тиісті тәжірибесі бар азаматтар ғана шақырылады.
«Ресейді, оның егемендігі мен тұтастығын қорғау үшін ішінара жұмылдыруды жүзеге асыру туралы ұсынысты қолдау қажет деп санаймын», - деді Путин.
Бұл ретте әскери қызметке шақырылғандар бөлімге жіберілгенге дейін қосымша әскери дайындықтан өтуі тиіс.
Путиннің айтуынша, қорғаныс кәсіпорындарын материалдық, ресурстық және қаржылық қамтамасыз етудің барлық мәселелерін үкімет дереу шешуі керек.
Жұмылдыру 21 қыркүйекте басталады.
