Техас штатының Панхандл қаласында орман өрті өршіп тұр. Осыған байланысты жергілікті билік бейбіт тұрғындарды жаппай эвакуациялап, «Пантекс» ядролық қару құрастыру зауыты да жұмысын тоқтатты.
Өрт 200 мың гектардан астам жерді шарпыған. 60-тан астам ауданда төтенше жағдай жарияланды. Қазіргі уақытта құтқарушылар қауіпті аймақтардағы адамдарды эвакуациялауды жалғастыруда.
Сонымен қатар, өрттің таралу қаупіне байланысты ядролық қаруды жинақтау қондырғысының жұмысын тоқтату туралы шешім қабылданды.
«Біз қызметкерлерді, қосалқы қызметкерлерді сақтық шарасы ретінде нысаннан эвакуацияладық», Бұл туралы Ұлттық ядролық қауіпсіздік басқармасының Pantex-тегі өндірістік кеңсесінің өкілі Лейф Пендерграфт мәлімдеді.
Жағдайды қатты жел қиындап тұрғаны, соның салдарынан өрт құрғақ шөп арқылы бірнеше есе жылдам тарайтыны хабарланды. Дегенмен, құтқарушылар мен арнайы қызмет бейсенбіге болжанған қолайлы ауа райын күтуде.
Сондай-ақ, жергілікті төтенше жағдайлар қызметі үйлердің қирағанын хабарлады. Әзірге табиғи апаттан зардап шеккендер туралы ақпарат жоқ.
Әрқашан ең маңызды нәрселерден хабардар болу үшін бізді мына жерден оқыңыз Telegram