Германияның үш саяси партиясы жаңа үкімет туралы келісімге келді. Оның шарттарына сәйкес, Германияның жаңа канцлері болып Германияның социал-демократиялық партиясының жетекшісі Олаф Шольц тағайындалады.
Ол Ангела Меркельді Германияның Федералдық канцлері ретінде алмастырады.
«Бағдаршам коалициясы құрылды. Үш партия – «социал-демократтар», «жасылдар» және «еркін демократтар» коалициялық келісімді мақұлдап, сәйкесінше коалициялық үкімет құру туралы келісімге келді. Енді біз бұл келісімді өз партияларымызда дауысқа саламыз және партияларымыз оны алдағы он күнде мақұлдау үшін бар күшімізді саламыз», - деді Олаф Шольц Берлиндегі баспасөз мәслихатында.
Бұл коалиция үш партияның рәміздерінің түстері бойынша «бағдаршам» деп аталады.
Қыркүйек айында өткен Бундестаг сайлауында Шольцтің социал-демократтары бірінші орынға шықты және жалпы алғанда бұл үш партия айқын басымдыққа ие болды.
атап өтейік Германия үкіметін 16 жыл басқарған Ангела Меркельдің Христиан-демократиялық одақ партиясы сайлауда жеңіліп, қазір оппозицияда.
