Дүйсенбі күні Кота префектурасының жағалауында Жапонияның ұлттық өзін-өзі қорғау күштерінің сүңгуір қайығы коммерциялық кемемен соқтығысты.
Бұл туралы кезекті баспасөз мәслихатында Министрлер кабинетінің бас хатшысы Кацунобу Като мәлімдеді. Оқиғаға байланысты Премьер-Министрдің кеңсесінде ақпарат жинау және талдау үшін дағдарысқа қарсы штаб құрылды, деді ол.
Ел премьер-министрі Йошихидэ Суга жеке кеменің қауіпсіздігін қамтамасыз ету және жағдайдың дамуы туралы халықты жедел хабардар ету үшін қажеттінің барлығын жасауды тапсырды. Билік өкілдерінің айтуынша, коммерциялық кеменің немесе сүңгуір қайықтың корпусына зақым келген жоқ.
Бұл ретте Като зардап шеккендер туралы сұраққа жауап бере алмады. «Қазіргі уақытта бізде бар ақпарат осы», - деді ол.
Ал, Киодо агенттігінің хабарлауынша, оқиға салдарынан сүңгуір қайық экипажының кем дегенде үш мүшесі жарақат алған. Сондай-ақ, соқтығыстың суға шығу кезінде болғаны хабарланады — агенттіктің мәліметінше, сүңгуір қайық корпусының жоғарғы бөлігі шамалы зақымданған.
