«Қауіпсіз веб үшін коалиция» Капитолийге жасалған шабуылдан кейін «экстремистік ақпараттың» қатаң модерациясының болмауына байланысты App Store дүкенінен Telegram мессенджерін өшіру үшін Apple компаниясын сотқа берді.
Бұл туралы Washington Post жазады.
Айтуларынша, бұл сот процесі Apple-ді Telegram-ға қарсы Парлермен болғандай әрекет етуге мәжбүрлеу үшін қысым көрсету тактикасы болып табылады. Естеріңізге сала кетейік, Трамптың жақтастары пайдаланған бұл әлеуметтік желінің клиенті App Store және Google Play дүкендерінен жойылып, Amazon компаниясы оның серверлерін беруден бас тартқан болатын. Осылайша Парлер жай ғана жойылды.
Шағымда Telegram-да нәсілшілдік, неонацистік және басқа да дұшпандық сипаттағы материалдар орналасқаны айтылған. Осылайша, мессенджердің мазмұны Apple қолданбалар дүкенін пайдалану шарттарын бұзады. Сондай-ақ Google-ға қарсы сотқа шағым түсіру жоспарлануда.
Бұл Трамптың жақтастары бір-бірімен еркін араласа алатын интернет-платформаларға қарсы ауқымды науқанның жалғасы болса керек.
