Беларусьпен шекаралас аймақтарда мигранттарға қатысты жағдай ушығып кеткен жағдайда төтенше жағдай енгізілуі мүмкін. Бұл туралы Ішкі істер министрі Денис Монастырский мәлімдеді.
«Ұлттық қауіпсіздік кеңесі әрекеттердің түрлі сценарийлерін әзірледі, тіпті Беларусьпен шекарадағы жағдай шиеленіскен жағдайда жекелеген аймақтарда төтенше жағдай енгізуді де қарастырады», - деді ол.
Монастырский мигранттардың жаппай келуіне жедел әрекет ету қажет болса, шекарада уақытша құрылыстар салынатынын атап өтті.
Оның айтуынша, қазір дайындық жұмыстары жүргізілуде, шекарашылар, ұлттық ұландар мен полицейлерді орналастыру орындары анықталды. Ұлттық қорғаныс және қоғамдық құрылымдармен ынтымақтастық орнатылуда.
ІІМ басшысы Беларусьпен шекараны қорғауға оңтүстік және шығыс облыстардың әскери қызметкерлерін тартуды жоспарлап отырған жоқпыз деп қосты.
Естеріңізге сала кетейік, Еуроодақ Беларусь басшысы Александр Лукашенконы Таяу Шығыстан мыңдаған заңсыз мигранттарды оның бұйрығымен Литва, Латвия және Польша шекараларына тасымалдады деп айыптайды. Үш ел де төтенше жағдай енгізді, ал Польшаның қорғаныс министрі Мариуш Блашчак миграциялық дағдарысты «Лукашенко мен Кремльдің арам ойыны» деп санайды.
