Қазақстанда Денсаулық сақтау министрлігі клиникалық сынақтардың үшінші кезеңінен өтіп жатқан KazCOVID-in коронавирусына қарсы ұлттық вакцинаны уақытша тіркеуден өткізді.
Бұл туралы "Спутник Қазақстан" ҚР Денсаулық сақтау министрлігі Медициналық және фармацевтикалық бақылау комитеті төрағасының орынбасары Нұрлыбек Асылбековке сілтеме жасап жазады.
Әзірлеуші компанияға уақытша тіркеу 31 желтоқсанда берілді. Вакцинаның клиникалық сынақтарының үшінші кезеңіне республиканың үш мың азаматы қатысты.
«Әзірге деректер жоқ. Күні кеше ғана олар соңғы еріктілерге екпе салды», - деді Асылбеков.
Оның айтуынша, егер барлық сынақтар сәтті аяқталса, наурыз айынан бастап тұрғындарды осы препаратпен жаппай егу басталады. Асылбековтың айтуынша, KazCOVID-in аралық сынақтары жақсы клиникалық әсер көрсетті.
