Бүгін белгісіз біреулер Грузияның Зугдиди қаласындағы банкке басып кіріп, банктің клиенттері мен қызметкерлерін кепілге алған.
Бұл туралы «Джорджия онлайн» басылымы хабарлады.
Белгілі болғандай, банк қызметкерлерінің бірі дабыл қағып, қазір оқиға болған аумақты полицияның арнайы жасақтары қоршауға алды. Екі қылмыскер бар: олар автоматтар мен гранаталармен қаруланған.
Полиция банк орналасқан Гамсахурдия көшесінің маңындағы аумақтан азаматтарды эвакуациялап үлгерді. Кепілге алынғандардың біразы қашып құтылып, кейін қарақшылар қарттарды босатқаны хабарланды. Жергілікті телеарналардың бірінің журналисі оқиға орнынан мылтық даусын естігенін айтады. Грузияның Ішкі істер министрлігі бұл жағдайға қатысты әзірге түсініктеме берген жоқ.
Қылмыскерлер 500 мың доллар талап етіп отыр.
