Бүгін Армения премьер-министрі Николай Пашинянның Таулы Қарабақтағы жалғасып жатқан қақтығыс туралы айтқан видеоүндеуі жарияланды.
Осылайша, Армения басшысы Екінші дүниежүзілік соғыстың хабаршысы болған «Мюнхен келісімін» еске түсіріп, сол жылдардағы оқиғаларды бүгінгі шындықпен салыстырды. Оның пікірінше, халықаралық күштер мен ұйымдар «бейбітшілікке айырбасқа аумақ» формуласы қолайлы болады деп есептеп, болып жатқан оқиғаларға реакция білдірмейді.
— Бұл 1938 жылғы «Мюнхен келісіміне» өте ұқсас, сол кездегі Чехословакияның территориялары бейбітшілік үшін Германияға берілді. Әрі қарай не болғанын бәрі біледі... Бейбітшілік бұл жолы Кіші Азияда жаңа Гитлердің пайда болуына мүмкіндік бере ме, жоқ па... Бүгінгі күні біз үшін әскери-саяси жағдайды түсіну өте маңызды. Бірақ бұл үшін соғыстың себептері мен шарттарын түсіну керек. Өткен жылдары Қарабақ бойынша келіссөздер процесі армян халқынан өз құқықтарынан бас тартуды талап ететін деңгейге жетті, деді премьер-министр.
Пашинян «Кіші Азиядағы Гитлер» туралы айтқанда Әзірбайжанды қолдайтын Түркия президенті Режеп Ердоғанды меңзегені анық.
Сондай-ақ ол Әзірбайжанның Қарабах төңірегіндегі 5 ауданның 7-еуін беруді талап еткенін, қалған екі ауданның берілу кестесін ұсынғанын және Қарабахтың кез келген статусы Әзірбайжанның құрамында болуы керектігін атап өтті. Пашинян оның үкіметі Қарабақ мәселесін шешуден және СҚО-ның мәртебесін белгілемей аумақтық концессиялардан бас тартқанын мәлімдеді.
Сондай-ақ ол Армения армиясының екі бағытта: солтүстік және оңтүстікте танылмаған Таулы Қарабақ республикасы аймақтарында шегінгенін қосты.
Премьер-министр шегінуін қарсы тараптың тактиканы өзгертуімен түсіндірді.
— Солтүстік және оңтүстік бағыттарда біздің армияның белгілі шегіністері болды. «Жау тактикасын өзгертіп, біздің тылда диверсиялық әрекеттермен бейберекетсіздік орнатуға тырысты», - деді Пашинян.
Сонымен қатар, Армения үкіметінің басшысы майдандағы жағдайдың өте қиын екенін мәлімдеді.
