10 қарашадан бастап Ресей мен Беларусь бомбалаушы ұшақтары Беларусь шекарасын бірлесіп күзетеді.
«Беларусьтің мемлекеттік шекарасы бойында батыс және солтүстік-батыс бағыттарда Қарулы Күштер кезекші әуе шабуылына қарсы қорғаныс күштерінің құрамын арттырды», - делінген Беларусь қорғаныс министрлігінің хабарламасында.
Ресейдің 2 Ту-22М3 бомбалаушы ұшағы Беларусь аумағындағы әуе кеңістігінде патрульдік қызмет атқарғаны атап өтілді.
Беларусь Қорғаныс министрлігі стратегиялық бомбалаушы ұшақтардың ұшулары енді тұрақты түрде орындалатынын хабарлады.
Өз кезегінде Ресей Қорғаныс министрлігі ресейлік ұшақ «Одақтың Бірыңғай аймақтық әуе қорғанысы жүйесінде әуе шабуылына қарсы жауынгерлік кезекшілік міндеттерін орындайтын жауынгерлік бөлімшелердің әрекетін тексеруге қатысқанын» түсіндірді.
Бұған дейін Беларусь президенті Александр Лукашенко республика аумағында ресейлік әскери ұшақтар үшін базалар беруге болатынын мәлімдеген болатын.
