9 қазанда Қырғызстан президенті Сооронбай Жээнбеков үкімет пен премьер-министр Кубатбек Бороновты отставкаға жіберу туралы жарлыққа қол қойды. Бұл туралы президенттің сайтында хабарланды.
Жарлыққа сәйкес Премьер-Министр, Премьер-Министрдің бірінші орынбасары, Премьер-Министрдің орынбасарлары мен Үкімет мүшелері жаңа үкімет жасақталғанға дейін өз міндеттерін атқаратын болады.
Жарлық қол қойылған сәттен бастап күшіне енеді.
Естеріңізге сала кетейік, Қырғызстанда 4 қазанда өткен парламенттік сайлаудан кейін жаппай наразылықтар басталған болатын. Шерушілер дауыс беру нәтижелерін жоюды талап етті. 6 қазанға қараған түні олар Бішкектегі парламент ғимаратын басып алған. Қақтығыстар кезінде мыңнан астам адам жараланып, бір адам қаза тапты. Шерушілер экс-президент Алмазбек Атамбаевты түрмеден босатуды қамтамасыз етті. 6 қазан Жээнбеков билікті тартып алу туралы талапты жариялады.
Нәтижесінде Орталық сайлау комиссиясы сайлау нәтижелерін жарамсыз деп таныды.
