Бірнеше мың мигрант Беларусьтен Еуропалық Одаққа көшіп, Польша шекарасына жақындады. Колонна ирактық босқындардан (Беларусь сарбаздарының сүйемелдеуімен) тұрады. Осылайша олар Польша аумағы арқылы Германияға жетпек. Бұл туралы Польшаның қорғаныс министрлігі Twitter-де хабарлады.
Польшаға жету үшін мигранттар елді бөліп тұрған тікенді сым қоршауды қиратпақшы. Олар металды кесу үшін қайшы мен балғаны пайдаланады. Поляк шекарашылары мигранттарды көзден жас ағызатын газдың көмегімен қуып жібермек болды.
Мигранттар арасында әйелдер мен балалар да бар.
Қазір шекарада 12 мың поляк жауынгері кезекшілікте тұр, олар толық жауынгерлік әзірлікке келтірілді. Ол жерге Литва да өз әскерін жіберді.
«Польша аумағына жаппай күштеп ену үшін ең үлкен сұраныс басталды», - деп жазды Польшаның арнайы қызметтері министрі-үйлестірушісінің баспасөз хатшысы Станислав Жарын Twitter-де.
Польша билігі болып жатқан жағдайға Беларусь президенті Александр Лукашенконы кінәлап, Беларусьпен шекаралас аймақтарда төтенше жағдай енгізген, ал Литва заңсыз мигранттардан қорғау үшін төрт метрлік қоршау салып жатыр.
Айта кетейік, Беларусь президенті Александр Лукашенко Батыстың республикаға салған санкцияларынан кейін Еуропаға ағылған мигранттардың ағынын тоқтатуға «не ақшасы да, күші де» жоқ екенін айтқан болатын. Алайда ЕО Беларусь билігі керісінше мигранттар ағынын қадағалайды деп санайды.
