Еуроодақтың тұрақты өкілдерінің комитеті ресейлік оппозиция жетекшісі Алексей Навальныйдың улануына байланысты алты адам мен бір компанияға қарсы санкцияларды мақұлдады.
Бұл туралы журналист Рикард Йозвиак Twitter-дегі микроблогында хабарлады.
— Еуроодақ елшілері Алексей Навальныйдың улануына кінәлі 6 адам мен 1 компанияға қарсы санкцияға жасыл шамды жаққан. Шешім ертең Еуроодақтың ресми журналында жариялануы тиіс, деп атап өтті журналист.
Еске сала кетейік, 20 тамызда Томскіден Мәскеуге бара жатқан жолда Алексей Навальный ұшақта өзін нашар сезінген болатын. Лайнер шұғыл түрде Омбыға қонды. Навальный ауруханаға түсті, ол комаға түсті. 22 тамызда саясаткер Берлиндегі Шарите клиникасына жеткізілді. Қазір Навальный сау.
Бірнеше еуропалық зертхана Навальный «Новичок» тобындағы жүйкеге әсер ететін затпен уланған деген қорытындыға келген. Ресейде бұл ақпарат жоққа шығарылады.
