Данияда коронавирустың жаңа түрі табылды. Бұл елде COVID-19 күзеннің денесіне еніп, мутацияға ұшырап, адамдарға жұқтыра бастады.
8 маусым мен 18 қазан аралығында 214 адамнан күзен вирусының жаңа нұсқалары анықталды. Бұған дейін Дания үкіметі Солтүстік Ютландияның жабылатынын жариялап, күзендерден табылған коронавирустың жаңа түрінің таралуын тоқтату үшін тұрғындарға облыс аумағынан шығуға тыйым салған.
7 қарашадан бастап аймақтағы мейрамханалар, дәмханалар мен пабтар толығымен жабылады, бірақ алып кететін мекемелер жұмыс істей алады. Жеті муниципалитет арасындағы қоғамдық көліктер де жабылды. Сонымен қатар, 5 қарашадан бастап 8-9 сынып оқушылары мен жоғары оқу орындарының студенттері қашықтықтан оқытуға көшеді. Айта кетейік, Дания күзен өсіру және оның жүнін экспорттау бойынша әлемдік көшбасшы болып табылады. Енді билік тағы бір індеттің алдын алу үшін 17 миллион жануарды жоюға шешім қабылдады
