Бүгін, 8 желтоқсанда Ұлыбритания Батыс елдерінің ішінде бірінші болып халықты коронавирусқа қарсы жаппай вакцинациялау бағдарламасын бастады.
Бұл туралы BBC.
Бағдарлама халықтың ең осал топтарын қорғауға және қалыпты өмірге оралуға бағытталған. Елдегі 70-ке жуық аурухана орталықтары Pfizer/BioNTech вакцинасы арқылы екпе жасауға дайындалуда.
Вакцинация міндетті болмайды. Бірінші кезекте 80 жастан асқан адамдар, қарттар үйінің тұрғындары мен олардың қызметкерлері, сондай-ақ кейбір медицина қызметкерлері егіледі.
Өткен аптада реттеушілер оны қолдануды мақұлдағаннан кейін Ұлыбритания Pfizer вакцинасын қолдана бастаған әлемдегі алғашқы ел болады.
Ұлыбритания Pfizer және BioNTech компанияларынан 40 миллион доза вакцина сатып алды, бұл 20 миллион адамды вакцинациялауға жетеді. Вакциналардың басым бөлігі келесі жылы келеді. Бірінші кезеңде үкімет 800 000 дозаны қолдануды жоспарлап отыр.
Вакцина Ұлыбританияға өндірілетін Бельгиядан жеткізіледі. Әр адам 21 күндік айырмашылықпен екі инъекция алады.
