Арменияның Қорғаныс министрлігі Әзірбайжан әскерилері Армения аумағында әскери техникаға шабуыл жасағанын мәлімдеді. Өз кезегінде Әзірбайжан әскерилері «Арменияның шекаралас аймақтарында» әскери техникаға соққы бергенін баса айтты.
Бұл туралы РИА Новости хабарлайды.
Әзірбайжан Арменияның зымырандары Гянджа, Мингачевир және Әзірбайжанның басқа да қалаларына бағытталғандықтан, Арменияның шекаралас аймақтарындағы зымырандық кешендерге алдын ала шабуыл жасағанын хабарлады.
Өз кезегінде Армения әскерилері Әзірбайжан аумағындағы кез келген әскери нысанға шабуыл жасау құқығын өздерінде қалдыратынын атап өтті.
Естеріңізге сала кетейік, 10 қазанда Мәскеуде Армения мен Әзірбайжан атысты тоқтату туралы келісімге қол қойған болатын. Алайда келесі күні екі жақ бір-бірін бітім шартын бұзды деп айыптады.
