19 тамызда Одессаға БҰҰ Бас хатшысы Антониу Гутерриш пен Украинаның инфрақұрылым министрі Александр Кубраков келді. Олар «астық бастамасы» аясында украиналық азық-түлік экспортталатын Одесса портында болды.
Одесса портынан 10 мың тоннаға жуық бидай алып кететін Кубросли-Y булкерінің тиелуін бақылай отырып, Антонио Гутерриш теңіз станциясында Одесса, ұлттық және халықаралық БАҚ өкілдеріне қысқаша брифинг берді.
«Бидайдың қалай тиелгенін көру өте жағымды, бірақ порттың маңызды күштерінің пайдаланылмауы өте өкінішті. Порт жұмысы бес ай бойы сал болып, енді бір айға жетер-жетпес уақытта Украина порттарынан 25 кеме шығып, 600 мың тоннадан астам азық-түлік тасымалдады. Әрбір кеме – үміт кемесі, ақырында жинаған өнімі үшін сыйақы алып, келесі егінге орын босататын украиндық фермерлердің үміті. Қара теңізді қауіпсіз пайдалану үшін теңізшілер мен сауда компанияларына үміт артамыз», - деді Антониу Гутерриш.
