Төтенше оқиға Киев облысының Васыльков қаласында болды. Еуро нөмірлі көлік әскери ұшақпен соқтығысқан. Салдарынан көлік жүргізушісі жарақат алып, ауруханаға жеткізілді.
Бұл туралы «Орталық» әуе қолбасшылығының баспасөз қызметі Facebook желісіндегі парақшасында хабарлады.
«10 наурызда «Орталық» әуе қолбасшылығына қарасты 40-тактикалық авиация бригадасында түн қараңғысында ұшу ауысымы аяқталғаннан кейін төтенше жағдай орын алды. Ұшақты аэродромға сүйреп апару барысында жеңіл көлік ұшақпен соқтығысып, салдарынан өрт шығып, оны бөлімшенің өрт сөндіру қызметі дер кезінде ауыздықтады», - делінген хабарламада.
Оқиға салдарынан көлік жүргізушісі зардап шекті. Қазір жағдайы қанағаттанарлық, дәрігерлердің бақылауында.
Оқиға орнында тәртіп сақшылары жұмыс істеп жатыр. Әскери бөлімде қызметтік тергеу жүргізілуде, оқиғаның себептері анықталуда.