Камчаткадағы Ключевская сопка жанартауы теңіз деңгейінен 7 шақырым биіктікке күл бағанасын ұшырды.
Бұл туралы Ресей ғылым академиясының Вулканология және сейсмология институтының Камчатка жанартауының атқылауына әрекет ету тобы (KVERT) хабарлады.
«Дүйсенбі күні Камчаткада атқылаған Ключевский жанартауы теңіз деңгейінен 7 шақырым биіктікке күл бағанасын ұшырды. Бейне және спутниктік мәліметтерге сәйкес, күл шоғыры жанартаудан солтүстік-солтүстік-шығысқа қарай 45 шақырымға созылып жатыр», - делінген хабарламада.
Жанартаудың әрекет ету аймағында халықаралық ұшу бағыттары өтпейтінін қосамыз.
Ресей Төтенше жағдайлар министрлігінің Камчатка өлкесі бойынша бас басқармасы аймақтың елді мекендерінде «күл жауған» деп аталатындар әлі тіркелмегенін хабарлады.
