Тәртіп сақшылары Кривой Рог мэрі Константин Павловтың өлімінің мән-жайын анықтауда. Бұл туралы Днепропетровск облысы полициясының байланыс бөлімінде хабарлады.
Хабарлама полицияға 15 тамыз күні сағат 16:00 шамасында келіп түскен. Алдын ала мәлімет бойынша, әкімнің оқ жарақатымен денесі өз үйінің верандасынан табылған.
Оқиға орнында жедел қызметкерлер жұмыс істеп жатыр, оқиғаның куәгерлері анықталуда.
Аталған факті бойынша тергеушілер Украина Қылмыстық кодексінің 115-бабы (Қасақана кісі өлтіру) бойынша қылмыстық іс қозғады.
