Бұл туралы Еуропалық Одақтың дипломатия басшысы Жозеп Боррелл мәлімдеді Беларусь шенеуніктеріне қарсы санкциялар Солтүстік Македония, Черногория, Албания, Исландия, Лихтенштейн, Норвегия және Украина қосылды.
Бұл туралы бүгін, 20 қарашада Боррелл хабарлады.
Украина сайлауды бұрмалау және адам құқықтарын бұзу салдарынан Еуроодақтың Беларусьқа қарсы санкцияларына қосылды.
Естеріңізге сала кетейік, ЕО Беларусь режиміне қарсы үшінші кеңейтілген санкциялар пакетін әзірлеуде. Бұл жолы шара тек жекелеген шенеуніктерге, күш құрылымдарына және репрессияға кінәлі басқа да мемлекеттік қызметкерлерге ғана қатысты емес.
Жаңа санкциялар экономикалық сипатта болады және Лукашенкоға жақын кәсіпкерлерге, кейбір жеке және мемлекеттік компанияларға қарсы енгізілмек.
ЕО-ның қазіргі санкциялық тізіміне Беларусьтегі билікті күшпен басып алуға қатысы бар 50-ге жуық адамның есімі енгізілгені атап өтілді. Оларға қарсы санкциялар ЕО аумағына кіруге тыйым салуды, сондай-ақ еуропалық банктерде табылған жағдайда жеке шоттарын бұғаттауды қамтиды.
