Түркия президенті Режеп Тайып Ердоған Анкараның Донбасс бойынша келіссөздерде Киев пен Мәскеу арасында делдал бола алатынын айтты.
«Біз аймақта бейбітшілік орнатуды жақтаймыз, әсіресе әңгіме Қырым түріктеріне қатысты болса», - деді Түркия президенті.
Сондай-ақ, республика басшысы Түркияның арағайындыққа дайын екенін және Украинамен де, Ресеймен де келіссөздер жүргізуге ниетті екенін атап өтті. Ол үшін екі тараппен байланыс орнатқанын атап өтті.
«Біз бұл мәселелерді достас Ресеймен, әсіресе Ресей Федерациясының Президенті Владимир Путинмен талай рет талқыладық. Біз Украинамен де, Ресеймен де келіссөздер жүргізіп, арағайындыққа дайынбыз. Біз бұл мәселені шешуге атсалысқымыз келеді», - деді Ердоған.
Алайда Ресей Федерациясы келіссөздердің мұндай форматында мәнді көрмейтінін бүгін мәлімдеген болатын. Путиннің баспасөз хатшысы Ресейдің қақтығысқа қатысушы емес екенін, сондықтан Украина мен Донбасс «республикалары» арасында келіссөздер жүргізу керектігін айтты.