Бүгін «Украина 24» телеарнасының эфирінде «Халық қызметшісі» фракциясының халық депутаты Людмила Марченко Украина тарапының Әзірбайжанға көмектесуге дайын екенін айтты.
— Менің білуімше, біз қазірдің өзінде заң саласында да, ресурстық салада да көмек көрсетіп жатырмыз, бұл гуманитарлық көмекке де қатысты. Бүгінгі таңда нақты не қажет екендігінің тізімін жасау мәселесі талқылануда. Бүгінде Украина түрлі платформаларда Әзірбайжанды қолдауға дайын. Бұл болашақта қажет болатын барлық нәрсеге әскери қолдау да, гуманитарлық қолдау да. Бұл әскери жағдай, деді ол.
Бұл мәлімдеме де назардан тыс қалмай, халық қалаулылары сынға түсті. Кейінірек ол өзінің Facebook парақшасында «БАҚ дәйексөзді қате түсінді» деп хабарлады.
— Бәрімізге белгілі, тақырып неғұрлым қатты болса, соғұрлым олардың рейтингі жоғарылайды. Яғни, қару-жарақпен қамтамасыз ету туралы тіл болған жоқ. Таулы Қарабақтағы шиеленісті реттеу халықаралық құқықты құрметтеу негізінде бейбіт жолмен жүреді деп үміттенемін. Барлық мемлекет басшылары басты басымдық – халық өмірі екенін есте ұстағаны жөн, деп жазды парламентарий.
