Бүгін, 25 тамызда Украина Жоғарғы Радасының депутаттары кезектен тыс отырысында Еуроодақтан 1,2 миллиард еуроға несие алу жөніндегі меморандумды ратификациялауға дауыс берді.
Тиісті заң жобасына № 0063 «Украина қарыз алушы ретінде және Еуропалық Одақ кредитор ретіндегі өзара түсіністік туралы меморандумды және қарыз алушы ретінде Украина мен қарыз алушының агенті ретінде Украина Ұлттық Банкі арасындағы несиелік келісімді ратификациялау туралы және кредитор ретінде Еуропалық Одақ (Украинаның Еуропалық Одақтан 1,2 млрд еуро көлеміндегі макроқаржылық көмек алуына қатысты)» деп 249 халық өкілі дауыс берді.
Айта кетерлігі, меморандум қоғамдық ортада көптеген дау тудырды. Несиенің орнына Украина сот жүйесіндегі халықаралық құрылымдардың, құқық қорғау органдары мен мемлекеттік кәсіпорындардың бақылау кеңестерінің рөлін арттыруға міндеттеніп, елді басқаруды жартылай еуропалық құрылымдармен бөліседі.
