Украина президенті Владимир Зеленский Қытай Халық Республикасын Жаңа жылмен құттықтады.
Президенттің Twitter-дегі парақшасында екі құттықтау жарияланды. Бірі — қытай таңбаларының көмегімен, екіншісі — украин тілінде.
«Өз атымнан және Украина халқының атынан Қытай халқының Жоғарғы Көшбасшысы, Мәртебелі Төраға Си Цзиньпинді және достас Қытай халқын Жаңа жыл мерекесімен құттықтағым келеді», - делінген Зеленскийдің жазбасында.
Ол сондай-ақ биыл Қытай мен Украина стратегиялық әріптестік орнатқанына он жыл толатынын еске салды.
«Бәрі жақсы болып жатыр! Биыл екі ел стратегиялық әріптестік орнатқанының он жылдығын тойлаған кезде мен Украина мен Қытай арасындағы өзара тиімді ынтымақтастықты одан әрі кеңейтуге дайын екенімді білдірдім», - деп қосты Зеленский.
Айта кетейік, Қытайда Twitter-ге тыйым салынғандықтан, Қытай халқы Украина басшысының құттықтауын көрмейді.
