Украина президенті Владимир Зеленский Андрей Ермакқа Ресей президенті Владимир Путинмен кездесуді ұйымдастыруды тапсырды. Бұл туралы Зеленскийдің БАҚ өкілдерімен кездесуінде белгілі болды.
Журналистердің Путинмен кездесу бола ма деген сұрағына жауап берген Украина мемлекетінің басшысы «барлығы осы кездесудің өтуіне қарай жүріп жатқанын» атап өтті.
«Мен Донбасста кездесуді ұсындым - сіз естідіңіз. Ресей Федерациясының Президенті кездесуге ниетті екенін растады, бірақ маған Мәскеуде кездесуді ұсынды. Мен президент аппаратының басшысы Андрей Ермакқа Путин әкімшілігімен байланысуды тапсырдым, олар біздің қай жерде және қай уақытта кездесуге болатыны жөнінде өзара түсіністік тапты. Ең бастысы – мәні, не туралы екеніне сенемін. Ал қайда және қашан - бұл қазірдің өзінде егжей-тегжейлі», - деді Мемлекет басшысы.