Сейсенбі және сәрсенбі, 2-3 наурыз күндері Еуропалық кеңестің президенті Чарльз Мишель ресми сапармен Украинада болады. Бүгін ол мемлекет басшысы Владимир Зеленскиймен кездесіп, онымен бірге Донбассқа барады.
Бұл туралы Еуропалық кеңестің баспасөз қызметі хабарлады.
Бүгін сағат 13:00-де Чарльз Мишель Владимир Зеленскиймен, кейін Біріккен күштер операциясы мен ЕҚЫҰ бақылау миссиясының өкілдерімен кездеседі. 14:30-да Мишель мен Зеленский бірлескен баспасөз мәслихатын өткізеді.
Наурыздың 3-і күні Мишель Киевте болып, жемқорлықпен күресетін мекеме өкілдерімен кездесіп, егу орталығына барып, Тәуелсіздік алаңындағы ескерткіш жанындағы шараларға қатысады. Сонымен қатар, ол Зеленскиймен тағы бір кездесу өткізіп, бірлескен баспасөз мәслихатын өткізеді.
