Лондонда Украина президенті Владимир Зеленский мен Ұлыбритания премьер-министрі Борис Джонсон Украина мен Ұлыбритания және Солтүстік Ирландия Біріккен Корольдігі арасындағы саяси ынтымақтастық, еркін сауда және стратегиялық әріптестік туралы келісімге қол қойды. Бұл туралы мемлекет басшысының баспасөз қызметі хабарлады.
Зеленский Келісімнің екіжақты қарым-қатынастардың, атап айтқанда Ұлыбританияның Еуропалық Одақтан шығуы аясындағы жаңа негіз ретіндегі ерекше маңыздылығын атап өтті.
«Бүгін Украина мен Ұлыбритания үшін тарихи күн: біз елдеріміз арасындағы стратегиялық серіктестіктің жаңа кезеңін бастаймыз», - деді президент.
Құжат екі мемлекет арасындағы стратегиялық әріптестік қарым-қатынастарды орнатып, ынтымақтастықтың негізгі бағыттарын белгілейді.
Украина мен Ұлыбритания арасында достық, ынтымақтастық және серіктестік туралы негізгі келісімнің жоқтығын ескере отырып, екіжақты ынтымақтастық пен серіктестіктің жалпы саяси қағидаттарын жаңа Келісімде бекіту маңызды стратегиялық және практикалық мәнге ие.
Құжат екіжақты ынтымақтастықтың барлық аспектілері бойынша жоғары ресми немесе жоғары үкіметтік деңгейде Стратегиялық әріптестік диалогының жыл сайынғы кездесулерін өткізуді көздейді. Сондай-ақ, тараптар өкілдерінен тұратын Сауда комитетінің отырыстарын өткізу көзделуде.
