Украинада коронавирусқа байланысты жоғары оқу орындары уақытша қашықтықтан оқытуға көшуде. Мұндай шешім Украина президентімен өткен соңғы кездесуде қабылданды. Бұл туралы парламенттің денсаулық сақтау, медициналық көмек және медициналық сақтандыру комитетінің басшысы Михаил Радуцкий Facebook-тегі парақшасында хабарлады.
«Біз университеттерді уақытша қашықтықтан оқытуға көшіріп жатырмыз. Бұл шешімді оқу орындарының басшылығы толықтай қолдап отыр», - деп жазды ол.
Ол қазірдің өзінде университет қызметкерлері мен студенттері арасында коронавирустық инфекцияның бірнеше ошақтары, сондай-ақ өліммен аяқталатын жағдайлар бар екенін атап өтті.
«Өткен аптада Шевченко атындағы Ұлттық география университетінің деканы қайтыс болды», - деді Радуцкий.
Сондай-ақ студенттер арасында коронавирустың қауіптілігі туралы ақпараттық науқан жүргізу қажеттігін айтты.
«Жастар бүгінде қарым-қатынас санын шектеп, адам көп жиналатын орындарда болуды барынша азайтқан дұрыс екенін түсінуі керек. Ата-анасының, ата-әжесінің өмірі де олардың жауапкершілігі», - деді Радуцкий.
