Мәдениет және ақпарат саясаты министрі Александр Ткаченко Чернобыль аймағын ЮНЕСКО-ның Бүкіләлемдік мұралар тізіміне енгізуге өтініш бермекші. Бұл туралы ол Reuters агенттігіне берген сұхбатында айтты.
«Чернобыльді ЮНЕСКО-ның мұралар тізіміне енгізу – бұл тамаша жерді бүкіл адамзатты қызықтыратын бірегей мекенге айналдыру жолындағы алғашқы әрі маңызды қадам деп санаймыз. Чернобыль аймағының маңыздылығы Украинаның шекарасынан тыс жерде жатыр. Бұл тек есте сақтау ғана емес, тарих пен адамдардың құқықтарына да қатысты», - деді ол.
БҰҰ-ға өтініш бергенге дейін ЮНЕСКО қорғауына үміткер орындар ұлттық мәдени-тарихи мұра тізіміне енгізілуі керек, деді Ткаченко.
Ол жақында Мәдениет министрлігі осындай нысандар қатарына 1970 жылдары Чернобыль қаласының маңында салынған алып радиолокациялық станцияны қосу туралы шешім қабылдағанын еске салды.
Бұл ниетті бүкіл 30 шақырымдық Чернобыль аймағын Кеңес Одағынан қалған қорық ретінде кеңейту мәселесі де талқылануда.
Анықтама: Біріккен Ұлттар Ұйымының Білім, ғылым және мәдениет жөніндегі ұйымы (ЮНЕСКО) – Біріккен Ұлттар Ұйымының (БҰҰ) мекемесі. Оның ішінде мәдени ескерткіштерді қорғаумен де айналысады.
Сурет: chernobyl-zone.info