Facebook пен Instagram Джо Байденнің инаугурациясының алдында АҚШ президенті Дональд Трамптың профильдерін бұғаттады. Бұл туралы бейсенбі, 7 қаңтарда Facebook бас директоры Марк Цукерберг хабарлады.
«Біз президентке осы кезеңде біздің қызметімізді пайдалануды жалғастыруға мүмкіндік беру тәуекелдері өте үлкен деп санаймыз. Сондықтан біз оның Facebook және Instagram аккаунттарына қойып жатқан бұғаттауды белгісіз мерзімге және кем дегенде алдағы екі апта бойы биліктің бейбіт жолмен ауысуы аяқталғанша жалғастырамыз», - деп жазды Цукерберг.
Айта кетейік, Twitter әлеуметтік желілердің ішінде бірінші болып Трамптың профилін бұғаттау туралы хабарлап, Трампқа әлеуметтік желіні 12 сағат бойы пайдалану мүмкіндігін қалдырды. Одан кейін Facebook пен Инстаграм да соған ілесті.
Естеріңізге сала кетейік, бұған дейін Трамптың жақтастары Капитолийге басып кірген. Кездесу басталғаннан кейін бірнеше минут өткен соң тоқтатылды. Содан кейін Конгресс Джо Байденнің Америка Құрама Штаттарының президенті болып сайланғанын растады.
Вашингтондағы шерулерде барлығы төрт адам қаза тапты. Капитолийде оққа ұшқан әйелден басқа, ғимарат маңында тағы үш адам қаза тапты