Америкалық миллиардер және өнертапқыш, әлемдегі ең бай адам Илон Маск беделді «Time» журналының нұсқасы бойынша «Жыл адамы-2021» деп танылды. Басылым 50 жастағы миллиардердің SpaceX және Tesla компанияларының табысын, сондай-ақ кәсіпкердің Twitter-дегі хабарламаларының әлемдік қор нарықтарына ықпалын атап өтті.
«Бұл адам Жер планетасындағы өмірге және болашақта одан тыс өмірге ерекше әсер етеді», - деді салтанатты шара барысында Time бас редакторы.
Айта кетейік, Маск тарихтағы байлығы 300 миллиард доллардан асқан бірінші адам.Тесла автомобиль компаниясы миллиардтаған долларды құрайтын электромобильдер нарығының үштен екі бөлігін бақылайтыны және оның құны 1 триллион долларға бағаланғаны белгілі. Бұл 250 миллиард доллардан астам байлығы бар Маскты тарихтағы ең бай бизнесменге айналдырды.
Сонымен бірге Time басылымы вакцина жасаушыларды жыл қаһармандары деп атады.
2020 жылы «Жыл адамы» номинациясының жеңімпаздары АҚШ-тың қазіргі президенті және вице-президенті Джо Байден мен Камала Харрис болды. Бір жыл бұрын журнал бұл атақты эко белсенді Грета Тунбергке берген болатын.
