Бүгін түстен кейін жау Одесса теңіз сауда портына Калибр типті қанатты зымырандармен шабуыл жасады, деп хабарлады «Оңтүстік» ОК.
Екі зымыранды зениттік қорғаныс күштері атып түсірді, екеуі порттың инфрақұрылымдық нысандарына тиді.
Ведомствоның баспасөз хатшысы Олег Николенконың айтуынша, атқылау 24 сағат бұрын Ыстамбұлда украиндық астықты экспорттау бойынша жасалған келісімдерге күмән келтіреді:
«Ресей зымыраны - келісімге келу үшін орасан зор күш-жігер жұмсаған және Украина ризашылығын білдіретін БҰҰ Бас хатшысы Антониу Гутерриш пен Түркия президенті Режеп Ердоғанның бетіне Владимир Путиннің түкіргені», - деп жазды Олег Николенко Facebook парақшасында.
Николенконың айтуынша, Украина БҰҰ мен Түркияны Ресейдің астық дәлізінің қауіпсіз жұмыс істеуіне қатысты өз міндеттемелерін орындауын қамтамасыз етуге шақырады.