14 қыркүйекте Беларусь президенті Александр Лукашенко жұмыс сапарымен Ресей Федерациясына келді. Бұл туралы Беларусь басшысының ресми сайтында хабарланды.
Лукашенконың ұшағы Ресей президенті Владимир Путинмен кездесетін Сочи әуежайына қонды. Келіссөздер «бір-бір» форматында өтеді.
Ел басшылары түрлі салалардағы екіжақты ынтымақтастықтың жай-күйі мен даму перспективаларын, одақтық қатынастар тақырыбын талқылайды, халықаралық мәселелер мен аймақтағы жағдайды, туындайтын сын-қатерлерге бірлесіп әрекет ету мәселелерін қарастырады.