9 қазан күні таңертең Ресей көлік министрлігі Қырым көпірінде пойыз қозғалысы қалпына келтірілгенін, ал Симферополь-Мәскеу бағытын байланыстыратын жолаушылар пойызы теміржол арқылы өткенін хабарлады.
Аннексияланған Қырым билігі Керчь көпірінің зақымданбаған тармағында көлік қозғалысы қалпына келтірілгенін жариялады, бірақ жүк көліктері әлі де көпірден өтуге рұқсат етілмейді.
8 қазанда Ресей билігі Керчь паром өткелін іске қосатынын хабарлады.
Жарияланған спутниктік суреттер Қырым көпірінің жарылыстан кейін зақымданғанын көрсетеді: көпірдің автомобиль бөлігінің екі аралығы опырылған.
Ресей Федерациясының президенті Владимир Путин оқиғаға байланысты үкіметтік комиссия құруды бұйырды және көпірдің қауіпсіздігін қамтамасыз етуді ФСБ-ға тапсыратын жарлық шығарды.