Киевте фашистік басқыншылардан азат етушілерге арналған монумент жанында танкистер күніне арналған мерекелік шаралар өтті. Бұл туралы Украина қарулы күштерінің қоғаммен байланыс департаменті хабарлады.
Мереке аясында Гетман Богдан Хмельницкий атындағы жеке президенттік полкінің оркестрі мен құрметті қарауылының өнер көрсетуі, мерекелік марш және ескерткішке гүл шоқтарын қою рәсімі өтті.
Жиналғандар сондай-ақ Ресей-Украина соғысында қаза тапқан танк жауынгерлерін бір минут үнсіздікпен еске алды.
Айта кетейік, Украинада танкистер күні қыркүйектің екінші жексенбісінде тойланады. Бұл мерекені 1997 жылы Украинаның екінші президенті Леонид Кучма белгілеген.
