Еуропалық қайта құру және даму банкі (ЕҚДБ) Украинаның «Укравтодор» мемлекеттік жол агенттігіне 450 миллион еуро несие береді. Бұл туралы бүгін ЕҚДБ таратқан мәлімдемеде айтылған.
«Қаражат М05 «Киев-Одесса» жолының учаскелерін қайта жаңғыртуға және Львовты айнала жаңа солтүстік айналма жолдың құрылысына жұмсалады. Екеуі де Трансеуропалық көлік желісінің (TEN-T) бөлігі болып табылады және Украинаның ішкі және халықаралық, атап айтқанда Еуропалық Одақпен байланысы үшін стратегиялық маңызды », - делінген хабарламада.
Сондай-ақ, жоба аясында Украина үкіметі «Укравтодордың сатып алу жүйесін жетілдіруге және оның ішкі бақылауын, парақорлық пен сыбайлас жемқорлықтың алдын алу бойынша саясаты мен рәсімдерін күшейтуге міндеттеме алғаны» хабарланды.
Банктің мәліметінше, «Укравтодорды» қаржыландыру үш транштан тұрады. Жалпы сомасы 290 миллион еуроны құрайтын I және III транштары елорда мен Қара теңіз порттарын байланыстыратын М275 «Киев-Одесса» жолының 05 шақырымын қайта жаңартуға бағытталады.
160 миллион еуро көлеміндегі II транш Львов айналасындағы айналма жолдың 24 шақырымдық солтүстік бөлігінің құрылысын қаржыландыруға бағытталады.
Сонымен қатар, ЕҚДБ қаражаты тәуекел деңгейі жоғары аймақтарды анықтау және басымдықтарды белгілеу және салдарын азайту бойынша тиісті шараларды жүзеге асыру мақсатында бүкіл ұлттық жол желісі бойынша жол қозғалысы қауіпсіздігін стратегиялық бағалауды қаржыландыратыны хабарланды. Қаражат сонымен қатар ірі габаритті көліктердің әсерін басқаруға мүмкіндік беретін жүйелерді енгізуге жұмсалады.
